Liens
plan du site
Conseil général
Contact
Accueil Archives Présentation Activités pour les classes Mallettes pédagogiques "Au fil du temps" Ateliers  

Supports d'écriture

Outils et instruments
d'écriture

Les encres

Styles d'écriture

Les livres, les reliures

Textes de l'Agenais

Exercices

Liste des documents
suivant leurs cotes


Textes et écritures au Moyen Age en Agenais

Transcription
..............................................................
 

1226 - Charte
de Raymond VII,
comte de Toulouse

Accord entre Raymond VII,
comte de Toulouse, et les consuls d'Agen.
Les consuls jurent fidélité et obéissance au comte, et celui-ci leur promet d'être bon et loyal seigneur, de les défendre et de respecter leurs coutumes et privilèges.

Parchemin de 20 centimètres de largeur sur 22 centimètres de hauteur.
Charte-partie scellée par deux sceaux pendants.

Conoguda causa sia a totz los presens e als avenidors que nos. R. per la gracia de Deu, dux de Narbona , coms de Tholoza, marques de Proensa, autreiam e covinem e prometem de bo grad e de bona voluntad e no deceubud al maior e al coselh e a tota la universitad d’Agen, de la ciutad
e del borg, que nos bos senher e leials lor siam e que tort ni forsa no lor fassam, nos ni hom per nos, e que totas lors costumas lor gardem e lor salvem, e que de totz homes que tort ni forsa lor fesso, los defendam ;
e sil reis de Fransa o la crozada o alcus autre hom volia metre seti a la ciutad dagen o li metia, nos non intrarem dins per defendre la ciutad ab tans de companhos e ab tantas d’armaduras e ab tanta de vianda que nos puscam defendre la ciutad dels nostres enamix e dels lor; e nos nostre cors estarem en la ciutad tant quant lo setis i estaria.

Empero si ta grans forsa nos creissia que nos el mager el coselhs e li autre prohome de la ciutad dagen conoguessem que tener no nos poguessem, que nos non issiriam ab totz aquels homes que ab nos S’en volrio issir els fariam bes
e honors en totz locs, els gardariam coma nostres amix; e az aquels que remandrio en la ciutad no fariam tort ni forsa, ni la ciutad no fondriam, ni ardriam, ni mala facha no i fariam, nos, ni li nostri, nils o recomtariam en mal, nils ne tendriam per forfaghs enta nos, si fazio al melhs que poirio ;
e si1 setis venia a la ciutad d'Agen e nos nons i metiam dins, aissi com sobredigh es, el mager el coselhs el comunal d’Agen, de la ciutad e del borc conoissio que tals forsa vengues sobre lor que ilh nos poguesso defendre, e fazio al melhs que poirio, nos nols o recomtariam en mal ni quen fosso forfagh contra nos. E totz aquestz covens sobredighs nos avem mandads e autreiads e jurads sobrels sanhs evangelis que nos en aissi o tengam e compliam, com sobredigh es, a tota bona fe. E nos mager, e coselhs e tota la universitads d’Agen, de la ciutad e del borc avem reconogud, de bo grad e de bona voluntad, e senes forsa e no deceubud, senhoria a nostre senhor lo comte de Toloza, e avem li mandad e autreiat fealtad e valensa e ajutori encontra 1 rei de Fransa e encontra totz autres homes; e si1 reis de Fransa o la crozada o autras gens intravo en la terra de nostre senhor lo comte, nos senes lui ni senes son coselh ni senes sa voluntad patz ni acorder ab lor no fariam, ni de la sua senhoria ni de la sua fealtad no nos partiriam, e totz temps remandrem fiel e leial a la sua senhoria, e autreiam tugh. en. .I. coratge que si per aventura la gleia, o alcus prelads de la gleia, nos volia asolver dels covens que nos avem faghs a nostre senhor lo comte, nos ne non tendriam per assout ni per revocads los sobredighs covens.

E totz aquestz covens sobredighs nos, mager e coselhs e tota la universitads d’Agen, de la ciutad e del borc, avem mandads e autreiads e jurads sobre sanhs evangelis que aissi otengam ed compliam, com sobredigh es, a tota bona fe. E a major fermetad, de las avantdichas causas so ne fachas .II. cartas partidas per. A. B. C. las quals nos R. sobredighs e nos mager e coselh e tota la universitads d'Agen n'avem sageladas e efforsadas del garniment de nostres sagels. Aisso fo fagh e pauzad e en aissi acordad, com sobredigh es, .X. dias al issit de magh, anno Verbi incarnati M°. CC°. XX°. VI°.
   
 

Cote des documents


Liste des textes

Transcription

Zoom






       
 
[ accueil archives ] [ présentation ] [ activités pour les classes ]
[ mallettes pédagogiques ]
[ au fil du temps ]
[ liens ] [ plan du site ] [ conseil général ] [ contact ]